काठमाडौं । नयाँ सरकार गठनको प्रक्रिया अघि सार्न नेपाली कांग्रेस, माओवादी केन्द्र र जनता समाजवादी पार्टीले राष्ट्रपतिलाई आग्रह गरेका छन् ।
संसदमा प्रधानमन्त्री केपी शर्मा ओलीले विश्वासको मत गुमाए लगत्तै तीन दलले संयुक्त विज्ञप्ति जारी गर्दै नयाँ सरकार गठनको प्रक्रिया सुरु गर्न आह्वान गरेका ह्न् ।
शेरबहादुर देउवा, पुष्पकमल दाहाल प्रचण्ड र उपेन्द्र यादवले जारी गरेको विज्ञप्तिमा संविधानको धारा ७६ को उपधारा २ अनुसार नयाँ सरकार गठन प्रक्रिया अघि बढाउन राष्ट्रपतिसमक्ष आग्रह गरिएको छ ।
उपधारा २ अनुसार दुई वा दुई भन्दा बढी दलको समर्थनमा बहुमत प्राप्त गर्न सक्ने सांसद प्रधानमन्त्री बन्न सक्ने पहिलो विकल्प छ । तीन दलले कांग्रेस सभापति शेरबहादुर देउवालाई प्रधानमन्त्रीमा प्रस्ताव गरेका छन् । राष्ट्रपतिले नयाँ सरकार गठनको आह्वान गरेसँगै संयुक्त सरकार बनाउन दलहरु ती दलहरु जुट्नेछन् ।
प्रतिक्रिया