नेपालगन्ज । बाँकेमा संचालनमा रहेका ३ वटा प्रयोगशाला मध्य २ वटा प्रयोगशालाको रिपोर्टबाटै ७२० जनामा कोरोना संक्रमण पुष्टि भएको छ । सबै भन्दा बढी स्वाव परीक्षण हुने भेरी अस्पताल प्रयोगशालाको रिपोर्ट प्राप्त नहुँदै जिल्लामा ७२० जना कोरोना संक्रमित थपिएका हुन् ।
नेपालगन्ज मेडिकल कलेज प्रयोगशालामा ६३२ वटा नमुना परीक्षण गर्दा ४७८ जनामा कोरोना संक्रमण पुष्टि भएको छ भने बागेश्वरी डाईग्नोशिस केन्द्रमा ३०७ नमुना परीक्षण गर्दा २४२ जनामा कोरोना संक्रमण पुष्टि भएको छ । बाँकेमा गरिएको परीक्षणबाट पुष्टि भएका कुल ७२० संक्रमित मध्य ४८६ जना बाँके जिल्ला भित्रका र अन्य जिल्ला बाहिरका हुन् ।
बाँकेमा आज मृत्युदर बढेको छ । पछिल्लो २४ घण्टामा बाँकेमा १८ जनाको मृत्यु भएको छ । जस मध्य ७ जना बाँके जिल्लाका र ११ जना जिल्ला बाहिरबाट बाँकेमा उपचाररत भएको पीसीसीएमसी बाँकेले जनाएको छ । बाँकेमा जिल्ला भित्रका १९८ र जिल्ला बाहिरका १५२ जनाको मृत्यु भएको छ ।
बाँकेका होम आइसोलस तथा अस्पताल र स्थानीय तहका आइसोलेसनहरुबाट आज ४१४ जना कोरोना मुक्त भएका छन् ।
प्रतिक्रिया