आईसीयू र एचडीयू बेड कुर्दाकुर्दै इमर्जेन्सी वार्डमै ५ जनाको मृत्यु

बुटवल । बुटवल स्थित लुम्बिनी प्रादेशिक अस्पतालमा आज पनि आईसीयु र एचडीयू बेड कुर्दाकुदै ५ जनाको मृत्यु भएको छ । आज रातभरीमा ६ जनाको मृत्यु भएकोमा ५ जना अस्पतालको इमर्जेन्सी वार्डमा बसेर आयस्यू र एचडीयू बेड कुर्दाकुर्दै मृत्यु भएको हो ।

एकजनाको भने प्रादेशिक अस्पतालबाट कोरोना विशेष अस्पतालको एचडीयू बेडमा पु¥याए लगत्तै मृत्यु भएको थियो । आज मृत्यु हुनेहरुमा मंगलबार इमर्जेन्सीमा आएका तानसेन १४ का ३८ वर्षिय पुरुष रहेका छन् उनको मंगरबार राती ११ बजे मृत्यु भएको थियो ।

त्यस्तै सैनामैना ७ रुपन्देहीका ३५ वर्षीय पुरुषको मंगरलबार साँझ ६ः३५ बजे, बैशाख २६ गते देखि इमर्जेन्सीमा रहेका बुटवल ११ का ५२ वर्षीय पुरुषको मंगलबार साँझ ५ः३३ बजे मृत्यु भएको थियो । मंगलबार नै लुम्बिनी प्रादेशि अस्पतालको इमर्जेन्सीमा पुगेकी तिलोत्तमा ६ की ७० वर्षीया महिलाको आज बिहान ७ः५२ मा मृत्यु भएको र बैशाख २४ देखि ईमर्जेन्सीमा रहेका तिलोत्तमा १ का ५७ वर्षीय पुरुषको पनि आज बिहान ५ः५२ बजे मृत्यु भएका अस्पतालका प्रवक्ता डा. बिष्णु गौतमले बताए ।

मंगलबार नै सिकिस्त अवस्थामा इमर्जेन्सीमा ल्याईएका बुटवल ६ का ४४ वर्षीय पुरुषलाई थप उपचारका लागि कोरोना विशेष अस्पतालको एचडीयू बेडमा पु¥याए लगत्तै मंगरबार राती ७ बजे मृत्यु भएको उनले बताए ।

डा. गौतमका अनुसार मृतकहरु मध्ये ५ जनाले कोरोना विशेष अस्पतालमा आईसीयू र एडीयू बेड कुरेर इमर्जेन्सी वार्डमा बसिरहेका थिए । विशेष अस्पतालमा बेड खाली नभएपछि उनीहरुको इमर्जेन्सीमै ज्यान गएको थियो । ‘अक्सिजन नभई नहुने संक्रमितलाई घर पठाउन पनि नमिल्ने र बेड दिन पनि नसकिने अवस्था आयो ।’ डा. गौतमले भने, ‘संक्रमितको अवस्था र गाम्भिर्यता हेरेर प्रतिक्षा सुचिमा राख्ने गराएका छौं ।’

आज मृत्युको संख्या थपिएसँगै रुपन्देहीमा मृत्यु हुनेको संख्या २९९ पुगेको छ ।