काठमाडौं । नेकपा एमालेका वरिष्ठ नेता माधवकुमार नेपालले आफु निकट स्थायी कमिटी सदस्यहरुसँग बैठक गरेका छन् ।
पार्टी अध्यक्ष एवं प्रधानमन्त्री केपी ओलीसँग हिजो भएको वार्ता र सहमतिबारे नेपालले नेताहरुलाई जानकारी राएका छन् । ओलीसँग २०७५ जेठ २ कै वरिपरि रहेर सहमति गर्ने गरी सहमति भएको थियो । दुवै पक्षबाट पाँच पाँच जना रहने गरी बन्ने कार्यदलमा आफ्नोतर्फबाट को को बस्ने भन्ने बारेमा नेपाल पक्षीय नेताहरुले यही बैठकबाट तय गर्नेछन् ।
ओलीसँग सहमति भएपछि सामुहिक राजीनामाको अल्टिमेटम दिँदै बार्गेनिङ गरेका नेपाल पक्षको राजीनामा यात्रा रोकिएको थियो । नेपालले स्थायी कमिटीका नेताहरुसँग छलफल पछि आफु निकट केन्द्रीय सदस्यहरुलाई ओलीसँग भएको सहमतिबारे २ बजे सामुहिक रुपमा जानकारी गराउने भएका छन् ।
प्रतिक्रिया