कोरोना संक्रमणबाट वरिष्ठ साहित्यकार राजेन्द्र सुवेदीको निधन

काठमाडौं । वरिष्ठ साहित्यकार राजेन्द्र सुवेदीको कोरोना सङ्क्रमणका कारण मृत्यु भएको छ ।

७६ वर्षीय सुवेदीको उपचारकै क्रममा शहीद गङ्गालाल राष्ट्रिय हृदयरोग केन्द्रमा मृत्यु भएको हो । उनलाई अस्प्तालको भेन्टिलेटरमा राखेर उपचार गरिएको थियो

सुवेदीले त्रिभुवन विश्वविद्यिालयमा नेपाली विषयमा ३७ वर्ष प्राध्यापक गरेका छन् । सुवेदीले त्रिविमा नेपाली केन्द्रीय विभागका प्रमुखको रुपमा समेत काम गरेका थिए भने केही समय गोरखापत्र संस्थानमा अध्यक्ष तथा महाप्रबन्धक समेत बनेका थिए । सुवेदीले निबन्ध, प्रबन्ध, समालोचना, कवितामा विधामा तीन दर्जन पुस्तक प्रकाशित गरेका छन् ।

नेपाल प्रज्ञा प्रतिष्ठानका सदस्यसचिव प्रा जगतप्रसाद उपाध्याय ‘प्रेक्षित’ ले सुवेदीको निधनले साहित्यका क्षेत्रले ऊर्जाशील व्यक्तित्व गुमाएको र अपुरणीय क्षति भएको बताए ।