नेबिसंघ बझाङद्धारा प्रधानमन्त्री ओलीको पुत्ला दहन

बझाङ । नेपाल विद्यार्थी संघ बझाङले प्रधानमन्त्री केपि शर्मा ओली पुत्ला दहन गरेको छ ।

असंवैधानिक तबरबाट प्रतिनिधिसभा विघटन गरेको भन्दै नेपाल विद्यार्थी संघका यूवाहरुले आइतबार साँझ प्रधानमन्त्री ओलीको पुत्ला दहन गरेका हो ।

प्रधानमन्त्री ओलीको सिफारिसमा राष्ट्रपति बिद्यादेवि भण्डारीले दोश्रो पटक संसद बिघटन गरेको बिरोधमा नेविसंघ बझाङले प्रधानमन्त्री ओलीको पुत्ला दहन गरेको जनाएको छ ।

सरकार बन्ने अवस्था हुँदाहुँदै संविधान मिचेर प्रतिनिधिसभा विघटन गरेको अस्थिरता तिर धकेल्न खोजेको भन्दै त्यसको विरोधमा पुत्ला दहन गरेको नेबिसंघ बझाङका सभापति दिपक भण्डारीले जानकारी दिए । संसद् विघटनको निर्णय नसच्याए थप आन्दोलन चर्काउने उनले चेतावनी दिए ।