बुटवल । रुपन्देहीको लुम्बिनी साँस्कृतिक नगरमा एक युवकको धारिलो हतियार प्रयोग गरि हत्या गरिएको छ । लुम्बिनी साँस्कृतिक नगरपालिका मनौरा निवासी अन्दाजी ३५ बर्षीय महेन्द्र यादवको धारिलो हतियारबाट हथ्या गरिएको अवस्थामा शव फेला परेको प्रहरीले जनाएको छ ।
मृतक यादवको शव घरभन्दा एक किलोमिटर पश्चिम नाला नजिकै घाँटीमा धारिलो हतियार प्रहार गरेको अवस्थामा फेला परेको जिल्ला प्रहरी कार्यालय रुपन्देहीका प्रवक्ता डीएसपी सत्यनारायण थापाले बताए । शंकास्पद अवस्थामा शव फेला परेकाले प्रहरीले अनुसन्धान सुरु गरिसकेको उनले बताए । शव हेर्दा हत्या भएको अनुमान गर्न सकिन्छ, प्रहरीले अनुसन्धान सुरु गरिसकेको छ, रहश्य अवश्य खुल्ने छ । डीएसपी थापाले भने ।
मृतकलाई भीम अस्पताल भैरहवामा पोष्टमार्टम गराई आवश्यक अनुसन्धान भईरहेको थापाले बताए ।
मृतक यादवको १ श्रीमती, २ छाेरी र १ छाेरा छन् ।
प्रतिक्रिया