गोरखामा पहिरोले घर पुरिँदा दम्पतीको मृत्यु

गोरखा । गोरखाको सिरानचोक गाउँपालिका(७ उपल्लो गोहारेमा पहिरोले पुरिएर दम्पतीको मृत्यु भएको छ ।

शुक्रबार मध्यराति घरमाथिबाट खसेको पहिरोले घर पुरिँदा च्यापिएर ८६ वर्षीय रमन पाण्डे र उनी श्रीमती ६८ वर्षीया नन्दकुमारी पाण्डेको ज्यान गएको सिरानचोक गाउँपालिका-७ का वडा अध्यक्ष सुरज ढकालले बताए । घरमा उनीहरु दुई जनामात्र रहेको र पहिरो खसेर घर पुरिएको विहान मात्र थाहा भएको उनले बताए ।

पुरिएको घरबाट चार घन्टा लगाएर उनीहरुको शव निकालिएको ढकालले बताए । गोरखाका विभिन्न भागमा तीनदिन यता लगातार वर्षा भइरहेको छ ।

बाढी पूर्वानुमान महाशाखाका अनुसार गोरखाको बारपाक र लमजुङ्गको घारेढुङ्गा वर्षामापन केन्द्रमा भारी वर्षा भएको तथा दरौंदी खोलाको नयाँसाँघु जलमापन केन्द्रमा जलसतह सतर्कता तह नजिक पुगेको छ ।