काठमाडौं । सर्वोच्च अदालतले प्रतिनिधिसभा विघटन विरुद्ध बदर गर्दै शेरबहादुर देउवालाई प्रधानमन्त्रीमा नियुक्त गर्न राष्ट्रपतिका नाममा परमादेश जारी गरेपछि उत्साहित भएको विपक्षी गठबन्धनको बैठक बस्न लागेको छ ।
अदालतको आदेश लगत्तै गठबन्धनका नेताहरुले व्यक्तिगत हैसियतमा सकारात्मक टिप्पणी गरेपनि अबको रणनीति बनाउन गठबन्धनको बैठक बस्न लागेको छ । बैठक एमाले बरिष्ठ नेता माधवकुमार नेपालको निवास कोटेश्वरमा साँझ ५ बजे बस्ने भएको छ ।
नेता नेपालले अदालतको फैसलालाई स्वागत गर्दै यो फैसलाले अदालतकै गरिमा बढाएको टिप्पणी गरेका थिए । एमालेमा ओली पक्षका नेताहरुले फैसलाको विरुद्धमा टिप्पणी गर्दै सडकमा प्रदर्शन समेत सुरु भएका बेलामा नेता नेपालकै निवासमा विपक्षी गठबन्धनको बैठक बस्न लागेको छ ।
प्रतिक्रिया