सुर्खेत । कर्णाली नदीमा डुंगा दुर्घटजा हुँदा एक जनाको मृत्यु भएको छ । तीन जना बेपत्ता भएका छन्।
आइतबार मध्यान्न १२ बजे कैलालीको मोहन्याल गाउँपालिका ३ बाट सुर्खेतको चौकुने गाउँपालिका–४ जाँदै गर्दा डुंगामा सवार तीन जना वेपत्ता भएका थिए ।
दुर्घटनामा घाइते मध्ये २२ वर्षीया धनसरी सलामीको मृत्यु भएको हो । प्रहरीका अनुसार डुंगामा रहेका १० जनामध्ये तीन जना नदीमा वेपत्ता भएका थिए भने दुई जना घाइते भएका थिए । अन्य पाँच जनाको सकुशल उद्दार गरिएको छ ।
वेपत्ता हुनेहरुमा मोहन्याल गाउँपालिका–३ की २० वर्षीया पार्वती थापा, मोहन्याल गाउँपालिका–३ कै २० वर्षीया उर्मिला सलामीमगर र उनको १० महिने छोरा रहेका छन् ।
बच्चालाई सुर्खेतको स्वास्थ्य चौकीमा खोप लगाउन जाने क्रममा उनीहरु डुंगामा चढेका थिए ।
उद्दारका लागि इलाका प्रहरी कार्यालय बाबियाचौर सुर्खेत र इलाका प्रहरी कार्यालय सुगरखाल कैलालीबाट प्रहरीको टोली घटनास्थल पुगेको थियो ।
प्रतिक्रिया