काठमाडौं । नेकपा एमालेको माधव नेपाल पक्षीय युवा दस्ता पिपुल्स भोलेन्टियर (पीभी)ले महाराजगन्त्रस्थित त्रिवि शिक्षण अस्पताल परिसर सरसफाई गरेको छ ।
पीभीले शनिबार बिहान शिक्षण अस्पताल परिसर सरसफाई गरेको हो । हरेक महिनामा दुई दिन दुई घण्टा मेरो राष्ट्रका लागि भन्ने नाराका साथ स्वयंसेवकीय अभियानअन्तर्गत अस्पताल सरसफाई गरिएको जनाइएको छ ।
नेता नेपाल निकट युवा संगठन युवा संघ नेपालअन्तर्गत रहेको पिपुल्स भोलेन्टियरले युवाहरुलाई समाजप्रतिको दायित्व र कर्तव्य बोध गराउने तथा सकारात्मक सन्देश प्रवाह गर्ने उद्देश्यले स्वयंसेवी अभियान गर्ने निर्णय गरेको थियो । यो अभियानअन्तर्गत हरेक महिनाको दुई वटा शनिबार दुई घण्टा देशभर विभिन्न सेवामुलक कार्यक्रम हुने जनाइएको छ ।
प्रतिक्रिया