नेपालगन्जका ३१ वर्षिय युवाको कोरोना संक्रमणबाट मृत्यु

नेपालगन्ज । बाँकेको नेपालगन्जका एक युवाको कोरोना संक्रमणबाट मृत्यु भएको छ । नेपालगन्ज १८ का ३१ वर्षिय युवाको भेरी अस्पतालमा उपचारका क्रममा मृत्यु भएको हो ।

साउन २१ गते कोरोना संक्रमण पुष्टि भएका उनी २२ गते भेरी अस्पताल भर्ना भएका थिए । उपचारकै क्रममा आईतबार राती ७ बजे उनको मृत्यु भएको जिल्ला कोभिड व्यवस्थापन केन्द्र बाँकेका कोरोना फोकलपर्शन तेज वलीले जानकारी दिए ।

बाँकेमा आज सम्ममा कोरोना संक्रमणबाट मृत्य हुनेको संख्या ३२३ जना पुगेको छ ।