काठमाडौं । अफगानिस्तानका राष्ट्रपति अशरफ गनी र उपराष्ट्रपति अमीरूल्लाह सालेहले देश छोडेका छन् ।
तालिवान विद्रोहरूहरूले देशको अधिकांश भूभाग कब्जा गर्दै राजधानी कावुलमा प्रवेश गरेपछि राष्ट्रपति र उपराष्ट्रपति देशबाट पलायन भएको बीबीसीले जनाएको छ । उनीहरू ताजकिस्तान गएको रोयटर्सले जनाएको छ ।
तालिवान लडाकुहरू आइतबारमात्रै कावुल प्रवेश गरेका थिए । तर तालिवान नेतृत्वले कावुलमा कुनै हिंसात्मक गतिविधि नगर्न आफ्ना लडाकुहरूलाई निर्देशन दिएको छ । तालिवानले शान्तिपूर्ण रूपमा सत्ता हासिल गर्न चाहेको बताएको छ । तालिवान नेताहरू सरकारी अधिकारीहरूसँग वार्ता गरेका छन् ।
तालिवानले विगत १० दिनमा मात्रै देशको अधिकांश भूभाग कब्जा गरेको हो । २० वर्षअघि सत्ता गुमाएको तालिवान २० वर्षपछि शान्तिपूर्ण रूपमा सत्ता प्राप्तिको बाटोमा रहेको छ । तालिवानले कसैको जीवन हरण नगर्ने जनाएको छ ।
तालिवानले सत्ता कब्जा गरेपछि विश्वका विभिन्न मुलुकले आफ्ना नागरिक फर्काउन थालेका छन् । नेपालले पनि अफगानिस्तानबाट आफ्ना नागरिक फर्काउन पहल सुरू गरेको छ ।
प्रतिक्रिया