काठमाडौंबाट ओखलढुंगा जाँदै गरेको जीप रामेछापमा दुर्घटना, ३ जनाको मृत्यु

काठमाडौं । रामेछापमा जीप दुर्घटना हुँदा तीन जनाको मृत्यु भएको छ ।

काठमाडौंबाट ओखलढुंगा जाँदै गरेको प्रदेश नम्बर ३ -०१-०२३-च-३५१३ नम्बरको जीप रामेछापको मन्थली नगरपालिका वडा नं. ६ हात्तिसार कुनौलीमा दुर्घटनामा परेको थियो ।

सडकबाट ६७ सय मिटर तल खस्दा जीपमा सवार तीन जनाको मृत्यु भएको हो । मृत्यु हुनेमा ओखलढुंगा घर भएका अन्दाजी ३४(३५ वर्षीय लक्पा शेर्पा र उनकी श्रीमती फुरूबा रहेको जिल्ला प्रहरी कार्यालय रामेछापले जनाएको छ । अर्का एकजनाको परिचय खुल्न बाँकी रहेको छ ।

घटनास्थलबाट १२ वर्षीय पेम्बा शेर्पाको घाइतेअवस्थामा उद्दार गरिएको जिल्ला प्रहरी कार्यालय रामेछापले जनाएको छ । गम्भीर अवस्थामा रहेका उनलाई स्थानीय तामाकोशी अस्पतालमा उपचार गरिँदैछ ।