संविधान दिवसको अवसरमा ८ जनालाई आम माफी ५२३ जनाको कैद कट्टा

काठमाडौं । संविधान दिवसको अवसरमा नेपालका बिभिन्न कारागारमा सजाँय भुक्तान गरिरहेका कैदिबन्दीहरुको कैद मिनाहा तथा कैद कट्टा गरिएको छ । सरकारको सिफारिसमा राष्ट्रपति विद्यादेवी भण्डारीले संविधान दिवसको अवसरमा ८ जनालाई माफी र ५२३ जनाको कैद भट्टा गरेकी छन् ।

राष्ट्रपति कार्यालयबाट प्रकाशित सूचनाका अनुसार पूर्णबहादुर भन्ने किशोर भण्डारीसमेतका ८ जना व्यक्तिलाई विभिन्न अदालतले सुनाएको कैद सजाय माफी भएको छ भने हर्कबहादुर राईसमेत ५२३ जना कैदीले भुक्तान हुन बाँकी कैद कट्टा गरिएको छ । असोज ३ गते संविधानको अवसर पारेर कैद माफी र कैद कट्टाका लागि राष्ट्रपतिसमक्ष मन्त्रिपरिषद बैठकले भदौ २९ गते सिफारिस गरेको थियो ।

सरकारले २०७२ साल असोज ३ गते संविधान जारी भएको दिनलाई संविधान दिवसको रुपमा मनाउँदै आएको छ ।