कोरोना अपडेट : मृत्यु हुनेको संख्या २ लाख २७ हजार २ सय ४७ पुग्यो

काठमाडौ । विश्वभर कोरोना संक्रमितको संख्या ३२ लाख १९ हजार ३४२ पुगेको छ ।

विश्वभर कोरोना संक्रमणका कारण मृत्यु हुनेको संख्या २ लाख २७ हजार २ सय ४७ पुगेको छ । मृत्यु हुनेको संख्या पनि अमेरिकामा नै सर्वाधिक छ । त्यहाँ ६१ हजारभन्दा बढीको मृत्यु भइसकेको छ । त्यहाँ १० लाख ६४ हजार ९ सय ७० जनालाई कोरोना भाइरस संक्रमणको पुष्टि भएको छ ।

त्यस्तै, स्पेनमा २ लाख ३६ हजार ८ सय ९९, इटालीमा २ लाख ३ हजार ५ सय ९१, फ्रान्समा १ लाख ६६ हजार ५ सय ४१, बेलायतमा १ लाख ६६ हजार ४ सय ४१ लाई कोरोना भाइरस संक्रमण पुष्टि भएको छ ।

त्यस्तै इटालीमा २७ हजार ६ सय ८२, बेलायतमा २६ हजार ९७, स्पेनमा २४ हजार २ सय ७५, फ्रान्समा २४ हजार ८७ जनाको मृत्यु भइसकेको छ ।

विश्वभर कोरोना संक्रमणपछि निको हुनेको संख्या पनि बढीरहेको छ । बिहीबार बिहानसम्म १० लाख १ सय १ जना निको भइसकेका छन् ।

नेपालमा पनि ५७ जनालाई कोरोना संक्रमण पुष्टि भएको छ । तीमध्ये १६ जना उपचारपछि निको भइसकेका छन् ।