डोल्पा । डोल्पा जिल्लास्थित फोक्सुण्डो ताल भ्रमण गर्न जाने क्रममा सुलिगाड खोलामा खसेर एक युवती बेपत्ता भएकी छन् ।
दुनैबाट पैदल हिँडेर फोक्सुण्डो जाने क्रममा शे-फोक्सुण्डो गाउँपालिका-९ अन्तर्गत पर्ने छेप्का भन्ने स्थानबाट आज बिहान १० बजेतिर सुलिगाड खोलामा खसेर ठूलीभेरी नगरपालिका-३ दुनै बस्ने २६ वर्षीया युवती सलिना बुढा बेपत्ता भएको जिप्रका डोल्पाका प्रहरी नायब उपरीक्षक राजु पाण्डेले जानकारी दिए ।
बुढा हिँड्ने क्रममा खुट्टामा ठेस लागेर खोलामा खसेको डोल्पा प्रहरीले जनाएको छ । प्रहरीका अनुसार प्रहरी, सेना तथा आफन्त मिलेर बुढाको खोजी कार्य भइरहेको छ । रासस
प्रतिक्रिया