काठमाडौं । प्रधानमन्त्री शेरबहादुर देउवाले प्रधानन्यायाधीस विवादबारे छिट्टै निकास निकाल्ने बताएका छन् ।
नेपाल बार एशोसिएसनको डेलिगेशनसँग शुक्रबार बिहान कुरा गर्दै प्रधानमन्त्री देउवाले प्रधानन्यायाधीस चोलेन्द्रशम्शेर जबराको विषयमा जारी विवाद छिट्टै समाधान गर्ने बताएका हुन् ।
देउवाले गठबन्धन दलहरुसँग छलफल गरेर निकास निकाल्ने प्रतिवद्धता जनाएको नेपाल बारका महासचिव लिलामणि पौडेललेले बताए ।
प्रधानन्यायाधीस जबराको राजीनामा माग्दै नेपाल बार लामो समयदेखि आन्दोलनमा उत्रिएको छ भने
न्यायाधीसहरुले समेत लामो समयसम्म इजलास बहिस्कार नै गरेका थिए ।
छलफलका क्रममा प्रधानमन्त्री देउवाले न्यायालयभित्रको विवादबारे आफु गम्भीर रहेको बताएका थिए । देउवाले त्यसक्रममा बारको आन्दोलनबारे जानकार रहेको पनि बताएका थिए ।
बारका पदाधिकारीहरुले प्रधानमन्त्री देउवालाई जबरा बर्हिगमनको विकल्प नभएको बारे जानकारी गराएका छन् । उनीहरुले कार्यपालिका प्रमुखको हैसियतले जबरालाई बर्गिहन गराउने भूमिका खेल्न पनि आग्रह गरेका छन् ।
प्रधानमन्त्रीसँगको भेटमा बार अध्यक्ष चण्डेश्वर श्रेष्ठ महासचिव पौडेल, सर्वोच्च बारका अध्यक्ष पूर्णमान शाक्य, बारका वरिष्ठ पदाधिकारीहरु, वरिष्ठ अधिवक्ताहरु शम्भु थापा, हरिहर दाहाल, रमन श्रेष्ठ लगायतका सहभागी भएका थिए ।
प्रतिक्रिया