नेपालगन्ज । बाँके प्रहरीले नेपालगन्जको राँझा विमानस्थल नजिकैबाट १ केजी सुन सहित २ जना पक्राउ गरेको छ । बुधबार राती बिमानस्थल नजिकै राँझाबाट १ केजी (१ थान बिस्कुट) सहित २ जनालाई प्रहरीले पक्राउ गरेको हो ।
बाँकेको राँझा बिमानस्थलको नजिकैको राँझा चौकमा सुनको कारोबार भईरहेको भन्ने सूचनाका आधारमा खटिएको प्रहरी टोलिले जाजरकोट बारेकोट ६ बस्ने २२ वर्षिय राजु कार्की र सोही पालिका ८ का २९ वर्षिय पुर्ण बहादुर बि.कबाट सो सुन बरामद गरेको प्रहरीले जनाएको छ । पक्राउ परेकाहरुबाट १ किलो तौल भएको एक थान बिस्कुट, २ लाख ७७ हजार नगद तथा ४ लाखको बैंक चेक बरामद भएको जिल्ला प्रहरी कार्यालय बाँकेका प्रवक्ता प्रहरी निरिक्षक खेमबहादुर घर्तिमगरले जानकारी दिए ।
पक्राउ परेका दुबै जनालाई हिरासतमा राखेर अनुसन्धान सुरु गरिएको प्रहरी निरिक्षक मगरले बताए ।
प्रतिक्रिया