इस्लामावाद । पाकिस्तानको राष्ट्रपति भवन सर्वसाधारणका लागि खुला गरिएको छ ।
आज शनिबार दिउँसो १ बजेदेखि अपरान्ह ४ बजेसम्म राष्ट्रपति भवन सर्वसाधारणका लागि खुला गरिएको रेडियो पाकिस्तानले जनाएको छ ।
एवान ए सद्र भ्रमण गर्न चाहने सबै नागरिकले कोरोना भाइरस विरुद्धको खोप लगाएको प्रमाणपत्र बोक्न अनिवार्य गरिएको छ । यस्तै, भवनभित्र प्रवेश गर्न अनिवार्य रुपमा मास्क लगाएको हुनुपर्नेछ ।
भ्रमणका क्रममा कुनै पनि आगन्तुकले मोबाइल फोन वा क्यामेरा जस्ता कुनै पनि इलेक्ट्रोनिक उपकरण बोक्न भने रोक लगाइएको छ ।
प्रतिक्रिया