बुटवल । ठुलो उपचार खर्च लाग्ने भएपछि समस्यामा परेका रुपन्देहीको देवदह निवासी एकजना ब्रेन टुमर बिरामीलाई आर्थीक सहयोग गरिएको छ । ब्रेन ट्युमरका कारण समस्यामा परेका १९ वर्षीय आयूष थापा मगरलाई शनिबार एक कार्यक्रमका बिच मगर संसार फोटो ग्यालरी अनलाईन ग्रुपको तर्फबाट आर्थिक सहयोग प्रदान गरिएको हो ।
बिरामी आयूषलाई एक लाख दुई हजार तीन सय एकासी रुपैयाँ प्रदान गरिएको स्थानीय पत्रकार ज्योती खाम्चा मगरले जानकारी दिईन् । सो रकम सामाजिक संञ्जाल बाट संकलन गरीएको मगर संसार फोटो ग्यालरी एडमिन सदस्य अमिर थापामगरले जानकारी दिए।
अमिरका अनुसार अनलाइन ग्रुपका सस्थापक अध्यक्ष अनिल लामिछाने मगरको पहलमा सो रकम उठेको हो । मगर संसार फोटो ग्यालरीले विगतका दिनहरुमा पनि धेरै सहयोग गर्दै आएको बताउँदै उनले यो ९५ औ सहयोग रहेको बताए ।
देवदह नगरपालीका ८ बनकट्टा निवासी बजर बहादुर थापा र धनकुमारी थापा मगरको १९ वर्षीय छोरा आयुष इन्डियाको हरियानामा उपचारत छन । सोही कार्यक्रममा बोल्दै नेपाल मगर संघ देवदह नगर समितिका अध्यक्ष शोभा कुमारी थापा मगरले विरामिलाई स्वास्थ लाभको कामना गदै मगर संसार फोटो ग्यालरीलाई धन्यवाद दिए ।
प्रतिक्रिया