काठमाडौं । सत्तारुढ नेपाली कांग्रेसले गठबन्धन भत्किएपनि अमेरिकी सहयोग नियोग मिलेनियम च्यालेन्ज कर्पोरेसन (एमसीसी) सँगको सम्झौता संसद्बाट यथाशीघ्र अनुमोदन गर्नुपर्ने निष्कर्ष निकालेको छ ।
पार्टी कार्यालय सानेपामा बिहीबार बसेको केन्द्रीय केन्द्रीय कार्यसम्पादन समितिको आज बसेको बैठकले जस्तोसुकै परिस्थितिमा पनि एमसीसी सम्झौता संसदबाट अनुमोदन गर्नुपर्ने निस्कर्ष निकालेको हो।
बैठकपछि बाहिरिँदै केन्द्रीय सदस्य एवं पूर्वमहामन्त्री शशांक कोइरालाले गठबन्धनको नाममा एमसीसीलाई अड्काउन नसकिने निस्कर्ष निकालिएको बताए । कोइरालाले गठबन्धन नरहेपनि एमसीसी पास गर्नुपर्ने निस्कर्ष बैठकले निकालेको जानकारी दिए ।
बैठकमा पार्टी सभापति एवं प्रधानमन्त्री शेरबहादुर देउवाले एमसीसीका विषयमा धेरै विवादित र विभाजित हुन आवश्यक नरहेको बताएका थिए । देउवाले एमसीसी नेपालको हितमा रहेको बताउँदै यसलाई पारित गर्नुपर्ने धारणा राखेका थिए । देउवाले एमसीसीबारे बोल्न केन्द्रीय सदस्य एवं पूर्वअर्थमन्त्री रामशरण महतलाई बोल्न समय दिएका थिए ।
देउवाले एमसीसीका विषयमा राम्रा नराम्रा विवरण आफुलाई दिन पनि महतलाई आग्रह गरेका थिए ।
प्रतिक्रिया