इस्लामावाद । पाकिस्तानका प्रधानमन्त्री इमरान खान भोलि बुधबार रुसको दुई दिने भ्रमणका लागि मस्को जाने भएका छन् ।
रुसी राष्ट्रपति भ्लादिमिर पुटिनको विशेष निमन्त्रणामा प्रधानमन्त्री खान बुधबारदेखि रुसको दुईदिने औपचारिक भ्रमणमा निस्कन लागेका हुन् । प्रधानमन्त्री खानसँगै मन्त्रिपरिषद्का सदस्यसहित उच्चस्तरीय प्रतिनिधिमण्डल भ्रमण दलमा सहभागी हुने रेडियो पाकिस्तानले जनाएको छ ।
पाकिस्तान र रुसले विभिन्न अन्तर्राष्ट्रिय र क्षेत्रीय मुद्दाहरूमा पारस्परिक सम्मान, विश्वास र विचार मिश्रित मैत्री सम्बन्ध साझा गरिरहेका छन् ।
शिखर वार्तामा दुई नेताले ऊर्जा सहयोगलगायत द्विपक्षीय सम्बन्धका सम्पूर्ण दायराको समीक्षा गर्ने बताइएको छ ।
उनीहरूले इस्लामोफोबिया र अफगानिस्तानको अवस्थालगायत प्रमुख क्षेत्रीय र अन्तर्राष्ट्रिय मुद्दाहरूमा व्यापक रूपमा विचार आदानप्रदान गर्नेछन्।
प्रधानमन्त्री खानको भ्रमणले पाकिस्तान र रुसबीचको बहुआयामिक द्विपक्षीय सम्बन्धलाई अझ प्रगाढ बनाउन र विविध क्षेत्रमा पारस्परिक सहयोग अभिवृद्धिमा योगदान पु¥याउने पाकिस्तानले विशवास गरेको छ ।
प्रतिक्रिया