फेरि थपिए ६ जना कोरोना संक्रमित, संक्रमितको संख्या २७३ पुग्यो

काठमाण्डौ । नेपालमा शनिबार बिहान ६ जना कोरोना संक्रमित थपिएका छन् ।

टेकुस्थित राष्ट्रिय जनस्वास्थ्य प्रयोगशालामा गरिएको परीक्षणमा ६ जनामा कोरोना पुष्टि भएको हो । बर्दिया, सिराहा, पर्सा, सर्लाही र चितवनमा गरी ६ जना संक्रमित थपिएका स्वास्थ्य तथा जनसंख्या मन्त्रालयले जनाएको छ ।

सिराहामा पहिलोपटक कोरोना संक्रमित देखिएका हुन् । सिराहामा पनि संक्रमित देखिएपछि प्रदेश २ का सबै जिल्लालाई कोरोना संक्रमणले प्रभावित बनाएको छ ।

यो सँगै कोरोना संक्रमितको संख्या २ सय ७३ पुगेको छ ।