बुटवल । तिलोत्तमा नगरपालिका वडा नं. ३ मा नेपाली कांग्रेस र माओवादी केन्द्र परित्याग गरी ठुलो संख्यामा युवाहरु एमालेमा प्रवेश गरेका छन् । गठबन्धनको भविष्य नरहेको र समृद्धि नेपाल निर्माण एमालेले मात्र गर्न सक्ने भन्दै सिमानगर र सुनौलो नगरका पृथ्वी थापा सहितको ५० भन्दा बढि युवाको समुह एमालेमा प्रवेश गरेका हुन ।
उनीहरुलाई तिलोत्तमा नगरपालिकाका नगरप्रमुखका उम्मेदवार मोहन चापागाई, एमाले तिलोत्तमा नगरकमिटिका सचिव मिन प्रसाद पोखरेल, एमाले तिलोत्तमा वडा नंं ३ शाखा कमिटि अध्यक्ष तोलाकान्त भण्डारीले पार्टीमा स्वागत गरेका हुन ।
सो अवसरमा बोल्दै नगरप्रमुखका उम्मेदवार चापागाईले निर्वाचन पछि युवाहरुलाई रोजगार संग जोड्ने र स्वरोजगार बनाउने योजनामा आबद्ध गराउने बताए । उनले युवाहरुलाई विकासका काम संग जोड्दा प्रतिफल राम्रो आउने भन्दै युवाहरुलाई नगरभित्रै आयमुलक काममा लगाउन आफुले भुमिका खेल्ने बताए ।
एमाले तिलोत्तमा नगर कमिटि सचिव मिन प्रसाद पोखरेलले तिलोत्तमाको विकासमा युवाहरुलाई संगसंगै लगेर जाने बताए ।
त्यस्तै नगर कमिटि सदस्य तथा वडा नं. ३ का सह ईन्चार्ज भुमि प्रसाद सापकोटाले युवाहरु देशका कर्णधार भएकाले उनीहरुलाई समाजसंग जोड्ने गरी एमालेले योजना ल्याउने बताए ।
कार्यक्रममा तिलोत्तमा नगरपालिकाका युवा संघ नेपालका ईन्चार्ज दिपेश कंडेल, एमालेका नेता कमल पौडेल, कृष्णलाल भुसाल, वडा नं. ३ का वडा अध्यक्षका उम्मेदवार घनश्याम पौडेल (रामु), सदस्यहरु युवराज पराजुली, रुकप्रसाद अधिकारी, शारदा भण्डारी र लक्ष्मी घिलेको सहभागिता रहेको थियो । कार्यक्रम शाखा कमिटि सचिव दिपक भुसालको सञ्चालनमा सम्पन्न भएको थियो ।
प्रतिक्रिया