काठमाडौं । नुवाकोट ककनी गाउँपालिका ७ स्थित त्रिशूली थ्रीए जलविद्युत आयोजनाको हाइटेन्सन तारमा झुण्डिएका व्यक्तिको ११ घण्टापछि सकुशल उद्धार गरिएको छ । नेपाली सेनाको हेलिकप्टर प्रयोग गरेर बेलकोटगढी नगरपालिका १३ का प्रेमबहादुर (माईला) विकलाई उद्दार गरिएको हो ।
प्रहरी, जनप्रतिनिधि र स्थानीयबासीले जति प्रयास गर्दा पनि नसकेपछि नेपाली सेनाको हेलिकोप्टरको प्रयोग गरी बिकको उद्दार गरिएको हो । सेनाका जवानले टावरबाट चढेर प्रेमबहादुरलाई ओरालेको बताइएको छ ।
नुवाकोटकै बेलकोटगढी गाउँपालिका १३ घलेगाउँका विक आज बिहान १० बजे विद्युत पोलहुँदै नाङ्गो तारमा पुगेका थिए । यसबीचमा प्रहरी, जनप्रतिनिधि र स्थानीयबासीले गरेको आग्रह इन्कार गर्दै उनी तारमै झुण्डिएर बसेका थिए । प्रेमबहादुर तारमा झुण्डिएर बसेकाले १९ घण्टा त्रिशुली थ्रीए जलविद्युय आयोजनाको उत्पादन बन्द भएको थियो ।
प्रहरीको आग्रहमा दिउँसो एकछिन उत्रिएपनि उनलाई आश्वासन दिइृएको मासुभात बोकेर बिक पुनः टाव।मा चढेका थिए । उनी मानसिकरूपमा अस्वस्थ रहेको प्रहरीले जनाएको छ ।
प्रतिक्रिया