भैरहवा । लुम्बिनी ईट्टा उद्योग व्यवसायी संघ रुपन्देहीले प्रदेश ५ सरकारद्वारा स्थापना गरिएको कोरोना भाइरस नियन्त्रण तथा उपचार कोषमा सहयोग गर्ने घोषणा गरेको छ । संघले कोषमा एक लाख एघार एक सय एघार रुपैंया सहयोग गर्ने घोषणा गरेको हो ।
त्यस्तै संघले जिल्ला विपद् व्यवस्थापन समिति रुपन्देहीलाई ५१ हजार १ सय ११ रुपैयाँ बराबरको राहत सामाग्री सहयोग गर्ने घोषणा गरेको लुम्बिनी ईट्टा उद्योग व्यवसायी संघका महासचिव अजय कुमार गुप्ताले बताउनुभयो ।
संघका अध्यक्ष थानेश्वर घिमिरेले प्रदेश ५ सरकारका उद्योग, पर्यटन, वन तथा वातावरण मन्त्री लिला गिरीमार्फत प्रदेश सरकारलाई तथा जिल्ला विपद् व्यवस्थापन समितिका संयोजक एवं प्रमुख जिल्ला अधिकारी महादेव पन्थलाई सहयोग गर्ने जानकारी गराउनुभएको हो ।
त्यस्तै विश्वव्यापी महामारीको रुपमा फैलिएको कोरोना भाइरसबाट बच्न र अरुलाई बचाउन घरमै बस्न संघले आग्रह गरेको छ ।
प्रतिक्रिया