सुर्खेत । कर्णाली प्रदेशमा बुधबार फेरि थप १५ जना कोरोना भाइरसका संक्रमित देखिएका छन् ।
सुर्खेतस्थित कोरोना प्रयोगशालामा बुधबार गरिएको परीक्षणमा १५ जनामा कोरोना पोजेटिभ देखिएको प्रदेश सामाजिक विकास मन्त्रालयको स्वास्थ्य महाशाखाका प्रमुख डा. लक्ष्मीनारायण तिवारीले जानकारी दिनुभयो ।
नयाँ संक्रमितमध्ये खुर्खेत वीरेन्द्रनगर नगरपालिकाका १० जना रहेका छन् । ती मध्ये ७ जना पुरुष र ३ महिला रहेका छन् ।
यस्तै, सुर्खेतकै चौकुने गाउँपालिकाका दुईजना महिला र एकजना पुरुष रहेका छन् भने अर्का एकजना बझाङका रहेक छन् ।
बुधबार थपिएका सँगै कर्णालीमा संक्रमितको सङ्ख्या ३८ पुगेको छ । यससँगै देशभर कोरोना संक्रमित हुनेको संख्या ९०१ पुगेको छ ।
प्रतिक्रिया