कोरोना भाइरसका संक्रमित १ हजार ५६७ पुगे, २४ घण्टामा १६६ थपिए

काठमाडौं । गत २४ घण्टामा कोरोना भाइरसका संक्रमित १६६ जना थपिएका छन् । यससँगै नेपालमा कोरोनाबाट संक्रमित हुनेको संख्या पुगेको छ ।

स्वास्थ्य तथा जनसंख्या मन्त्रालयको विवरण अनुसार सबैभन्दा धेरै राष्ट्रिय जनस्वास्थ्य प्रयोगशालमा गरिएको परीक्षणमा सबैभन्दा धेरै ६४ जना संक्रमित देखिएका छन् ।

यस्तै कर्णाली स्वास्थ्य विज्ञान प्रतिष्ठानमा गरिएको परीक्षणमा ३७ जना संक्रमित देखिएका छन् । यसैगरी गण्डकी प्रादेशिक अस्पतालमा ३ जना, नारायणी अस्पतालको प्रयोगशालामा ५ जना, प्रादेशिक प्रयोगशाला सुर्खेतमा २६ जना, भेरी अस्पतालमा ८ जना, धरानस्थित वीपी कोइराला स्वास्थ्य विज्ञान प्रतिष्ठानको प्रयोगशालामा १२ जना, सेती अस्पतालको प्रयोशागालामा ५ जना र कोशी अस्पतालको प्रयोगशालामा ५ जना कोरोना पोजेटिभ देखिएका छन् ।

यससँगै हालसम्म नेपालमा १ हजार ५ सय ६७ जना पुगेका छन् । जसमध्ये १ हजार ४५० जना पुरुष र ११७ जना महिला रहेका छन् ।