काठमाडौं । रुसका प्रधानमन्त्री मिखाइल मिसुस्तिनलाई कोरोना संक्रमण भएको पुष्टी भएको छ ।
प्रधानमन्त्री मिसुस्तिनलाई बिहीबार कोरोना भाइरसको संक्रमण रहेको पुष्टि भएको रुसी सञ्चारमाध्यमले जनाएका छन् । अहिले उनलाई अस्पताल भर्ना गरिएको छ ।
गत जनवरीमा दिमित्री मेद्भदेवले प्रधानमन्त्री पदबाट राजीनामा दिएपछि जिम्मेवारी सम्हालेका मिखाइलले कोरोना भाइरसको महामारी नियन्त्रण अभियानको नेतृत्व गर्दै आएका छन् । रुसी टेलिभिजनमा देखाइएको भिडियोमा प्रधानमन्त्री मिसुस्तिनले राष्ट्रपति भ्लादिमिर पुटिनलाई भिडियो क लगर्दै आफुलाई कोरोना संक्रमण भएको जानकारी गराएका छन् ।
रुसमा बिहीबार एकै दिन मात्र ७ हजार ९९ जनालाई संक्रमण पुष्टि भएको छ ।
यस्तै, पाकिस्तानको नेशनल एसेम्बलीका सभामुख असद कैसरलाई पनि कोरोना भाइरसको संक्रमण पोजेटिभ देखिएको छ ।
सत्तारुढ पाकिस्तान तहरिक–ए–इन्साफ पार्टीका वरिष्ठ नेता कैसरले ट्वीटरमा सन्देश जारी गर्दै आफुलाई कोरोना पोजेटिभ देखिएको जानकारी गराएका हुन् । कैसर अहिले होम क्वारेन्टाइनमा रहेका छन् ।
यसअघि बेलायतका प्रधानमन्त्री बोरिस जोन्सनलाई कोरोना भाइरस पोजेटिभ देखिएपछि अस्पतालको आइसीयूमा भर्ना हुनुपरेको थियो भने स्पेनकी राजकुमारीको कोरोना भाइरसकै कारण मृत्यु भएको थियो ।
प्रतिक्रिया