झापा । जवरजस्ती नेपाल प्रवेश गर्न खोज्ने भारतीय नागरिकमाथि सशस्त्र प्रहरीले झापामा हवाई फायर गरेको छ ।
झापास्थित नेपाल–भारत सीमाबाट हुल बाँधेर आएका भारतीयले प्रहरीमाथि नैआक्रमण गर्दै जबर्जस्ती नेपाल छिर्न खोजेपछि सशस्त्र प्रहरीले हवाई फायर गरेको हो । सीमा सुरक्षामा खटिएका सशस्त्र प्रहरीले दुई राउन्ड हवाई फायर गरेपछि भारतीयहरु भागेको झापाका प्रहरी प्रमुख प्रहरी उपरीक्षक कृष्णप्रसाद कोइरालाले बताउनुभयो ।
कोइरालाका अनुसार एक सय जनाजतिको संख्यामा आएका भारतीय नागरिकले झापाको झापा गाउँपालिका वडा नम्बर ४, टागन डुब्बास्थित सीमा नाकाबाट जबर्जस्ती प्रवेश गर्न खोजेका थिए । ‘सशस्त्र प्रहरीले रोक्न खोज्दा उल्टै आक्रमणको प्रयास भएपछि हवाई फायर गरेर भगाइएको हो’ कोइरालाले भन्नुभयो ।
नेपाल भारत सीमा नाका विगत ४३ दिनदेखि बन्द रहेको छ ।
प्रतिक्रिया