काठमाडौं । भारतले नेपाली भूमि अतिक्रमण गरेर सडक बनाएको सडक उद्घाटन गरेको चार दिन पछि परराष्ट्र मन्त्रालयले काठमाडौंस्थित भारतीय राजदूत विनयमोहन क्वात्रालाई मन्त्रालयमै बोलाएर जानकारी दिएको छ ।
लिपुलेकमा नेपाली भूमि मिचेर सडक खनेको विषयमा परराष्ट्रमन्त्री प्रदीप ज्ञवालीले गम्भीर अन्तुष्टि व्यक्त गर्दै भारतीय कदमबारे सोमबार भारतीय राजदूतसँग जानकारी लिनुभएको परराष्ट्र मन्त्रालय स्रोतले जनाएको छ । अन्तराष्ट्रिय सीमासम्बन्धी कानुनको गम्भीर उल्लंघन गर्दै भारतले नेपाली भूमिमा विना सूचना निर्माणल गायतका गतिविधि जारी राखेकामा राजदूत क्वात्रालाई कूटनीतिक नोटसमेत दिइएको छ ।
विदेशी राजदूतलाई मन्त्रालयमा बोलाएर सम्बन्धित विषयमा जानकारी लिनु र त्यसको विरोधमा कुटनीतिक नोट दिनुलाई कुटनीतिमा गम्भीर कदम मानिन्छ ।
परराष्ट्र मन्त्रालयले यसअघि नै विज्ञप्ति जारी गरी उक्त घटनाको विरोध गरिसकेको छ ।
प्रतिक्रिया