काठमाडौं । प्रमुख प्रतिपक्षी दल नेपाली कांग्रेसले आगामी आर्थिक वर्षका लागि १४ खर्ब नबढ्ने गरी बजेट ल्याउन सरकारलाई सुझाव दिएको छ ।
नेपाली काँग्रेसले पूर्वअर्थमन्त्री डा. रामशरण महतको संयोजकत्वमा गठन गरेको अर्थतन्त्र विशेष समितिले साढे १३ अर्बदेखि १४ अर्बभित्र रहनेगरी बजेट ल्याउन सरकारलाई सुझाव दिएको हो । समितिले देशको समग्र अर्थतन्त्रको अवस्था अध्ययन गरी यो सुझाव दिएको हो ।
प्रतिवेदनमा सार्वजनिक खर्चको पुनप्राथमिकीकरण, मितव्ययीता तथा आर्थिक अनुशासनबाट खर्चलाई बाञ्छित सीमामा राख्न सुझाव दिएको छ ।
प्रतिवेदनमा राजश्व बाँडफाँट गरेपछि संघीय राजश्व ९ खर्बसम्म हुने अनुमान गरिएको छ । आन्तरिक ऋण कुल ग्रार्हस्थ उत्पादनको अनुपातमा करीव ५ प्रतिशत रहने गरी २ खर्बको हाराहारीमा उठाउन सकिने कांग्रेसले बताएको छ । विदेशी ऋण स्रोत र शर्तका आधारमा २ खर्ब २५ अर्बसम्म उठ्ने अनुमान गरेको छ ।
प्रतिक्रिया