इजरायलका प्रधानमन्त्री बेन्जमिन नेतन्याहूको कार्यालयमा काम गर्ने कर्मचारीलाई कोरोना संक्रमण पुष्टि भएको छ ।
प्रधानमन्त्रीको कार्यालयले आफ्ना कर्मचारीलाई कोरोना पुष्टि भएको जानकारी गराएको छ ।
यद्यपी ७० वर्षीय प्रधानमन्त्री नेतन्याहू ति कर्मचारीको सम्पर्कमा थिए कि थिएनन भन्नेबारेमा केही बताइएको छैन । संक्रमितको सम्पर्कमा आएकाहरुबारे जाँच गर्न निर्देशन दिइएको इजरायली अधिकारीहरुले बताएका छन् ।
यसअघि पनि नेतन्याहूले दुई पटक कोरोना संक्रमणको खतरालाई सामना गरिसकेका छन् । गत मार्च मा उनका एक सल्लाहकारलाई कोरोना संक्रमण पुष्टि भएको थियो । जबकि, अप्रिलमा तत्कालीन स्वासथ्य मन्त्रीको कोरोना जाँच गरिएको थियो यद्यपी उनको रिपोर्ट नेगेटिभ आएको थियो ।
इजरायलमा अहिलेसम्म कोरोना संक्रमणका १७ हजार १०० संक्रमित पुगेका छन् । २८५ जनाको मृत्यु भएको छ । पछिल्ला दिनमा संक्रमण बढ्दै गएको छ ।
-एजेन्सी
प्रतिक्रिया