नेपालगन्ज । जिल्ला प्रवेश गरेसंगै निषेधाज्ञा लगाएका बांकेका प्रमुख जिल्ला अधिकारीले जारी लकडाउनलाई खुकुलो बनाउंदै लैजाने क्रम सुरु गरेकाछन् ।
स्थानीय उद्योगी ब्यवसायीहरुको माग तथा केहि स्थानमा ब्यवसायीक संस्थाहरुले लकडाउनका बिरुद्ध प्रदर्शन समेत गर्न थालेपछि बांकेमा लकडाउनलाई केहि खुकुलो बनाईएको छ ।
जिल्ला प्रशासन कार्यालय बांकेले आज प्रकाशन गरेको सुचनामा लकडाउनकै बिच अब बार अनुसार बिभिन्न पसल, व्यवसाय खोल्न दिईने भएको छ । जिल्ला प्रशासन कार्यालय बाँकेमा बुधबार बसेको सर्वदलीय बैठकले दिन तोकेर विभिन्न पसल, व्यवसाय खोल्न दिने निर्णय गरेको हो ।
जिल्ला प्रशासन कार्यालय बाँकेले जारी गरेको सुचनामा अनुसार आईतबार र बुधबार मोबाईल इलेक्ट्रोनिक, स्टेशनरीर पुस्तक पसल, फोटो स्टुडियो, छापाखाना, फर्निचर र भाँडा पसल खोल्न पाउने छन् भने सोमबार र बिहिवार कपडा, फेन्सी, जुत्ता पसल, कास्मेटिक, चस्मा र गरगहना पसल खोल्न पाईने छ । त्यसैगरि मंगलबार र शुक्रबार अटो मोबाईल, कोल्ड स्टोर, जुस, मोटरसाईकल, साईकल र अन्य पसल खोल्न दिईने सूचनामा उल्लेख गरिएको छ ।
बैंक तथा बित्तीय संस्थाहरु सार्वजनिक बिदाको दिन बाहेक सबै दिन खोल्न सकिने प्रशासनको सुचनामा लेखिएको छ ।
सुचनामा अत्यावश्यक काम बाहेक ईरिक्सा, अटो र मोटरसाईकलको प्रयोगलाई नियन्त्रण गर्ने, सामाजिक दुरी कायम गर्दै, मास्क र सेनिटाईजरको प्रयोग अनिबार्य गर्ने लगायतका रहेका छन ।
औषधी पसल, दैनिक उपभोग्य सामाग्री, निर्माण सामाग्री, मलखाद र बिउ बीजन दैनिक रूपमा खुल्ने प्रशासनले ब्यवस्था गरेको छ ।
प्रतिक्रिया