१२ बैशाख २०८१, बुधबार | April 24, 2024

बन्दाबन्दीमै सवा अर्बको तरकारी र फलफूल भैरहवा हुंदै नेपाल भित्रियो



भैरहवा । लकडाउनको समयमा भैरहवा भन्सार कार्यालयबाट हरियो तरकारी र फलफूलको आयात उच्च देखिएको छ तर प्रदेश ५ अन्तर्गत कतिपय जिल्लाका किसान आफ्नो बारीमा उत्पादन गरेको तरकारी बजारसम्म पु¥याउन नसकेर नष्ट गर्न बाध्य छन् । चालू आर्थिक वर्ष २०७६/७७ को चैत ११ देखि जेठ २० गतेसम्म ६९ दिनको अवधिमा एक अर्ब २८ करोड ६८ लाख ९५ हजार बराबरको तरकारी तथा फलफूल बेलहिया नाकाबाट आयात भएको भन्सार कार्यालयको तथ्याङ्कले देखाएको छ ।

आर्थिक वर्ष २०७५/७६ को यही अवधिमा एक अर्ब २१ करोड ६७ लाख ५४ हजार बराबरको तरकारी तथा फलफूल यो नाकाबाट आयात भएको थियो । गत वर्षभन्दा सात करोडभन्दा बढीको तरकारी तथा फलफूल आयात भएको भन्सारको तथ्याङ्कले देखाएको छ । बन्दाबन्दीको ६९ दिनको अवधिमा ४५ लाख ३७ हजार मूल्यको ४३४ मेट्रिक टन हरियो सागसब्जी मात्रै भारतबाट आयात भएको छ । प्याजको आयात पनि बन्दाबन्दीको अवधिमा उच्च देखिएको छ । चालू आर्थिक वर्षको चैत ११ देखि जेठ १९ सम्म ४३ करोड ४८ लाख ५४ हजार बराबरको १२ हजार १२ मेट्रिक टन प्याज आयात भएको भैरहवा भन्सार कार्यालयका प्रमुख भन्सार अधिकृत कमलकुमार भट्टराईले जानकारी दिनुभयो ।

बन्दाबन्दीमा गोलभेँडाको आयात पनि बढी भएको देखिएको छ । चालू आर्थिक वर्षको चैत ११ देखि जेठ २० सम्म दुई करोड ४९ लाख ३७ हजार मूल्य बराबरको दुई हजार ३२६ मेट्रिक टन आयात भएको प्रमुख भन्सार अधिकृत भट्टराईले जानकारी दिनुभयो ।
स्थानीय तरकारी तथा फलफूलको बजारीकरण नभएकाले भारतबाट आउने तरकारी तथा फलफूलको आयात उच्च भएको हो, उहाँले भन्नुभयो । त्यस्तै आलु गत चैत ११ देखि जेठ २० सम्म २५ करोड २३ लाख ८१ हजार मूल्य बराबरको १० हजार १२७ मेट्रिक टन आयात भएको भैरहवा भन्सार कार्यालयले जनाएको छ ।
(यो समाचार गोरखापत्र अनलाईनबाट साभार गरिएको हो ।)

प्रकाशित मिति : २३ जेष्ठ २०७७, शुक्रबार  ८ : २१ बजे

सूर्य नेपाल काठमाडौं ओपन – दोस्रो दिन दिनेश र भुवन शीर्षस्थानमा

काठमाडौं । सूर्य नेपाल गल्फ टुर २०२३-२४ अन्तर्गतको सातौं प्रतियोगिता,

बुटवलमा रहेको सिद्धबाबा हस्पिटल एण्ड रिसर्च सेन्टर प्रालि ७ औं वर्षमा प्रवेश

बुटवल । युवा विशेषज्ञ चिकित्सकहरुको लगानीमा स्थापना भएको बुटवलमा सञ्चालित

महोत्तरीको मटिहानीमा सयौ घर जलेर नष्ट, आगो अझैँ नियन्त्रण बाहिर

महोत्तरी । महोत्तरीको मटिहानी नगरपालिकाको वडा नं.६ स्थित जरलहवा गाछीमा

रविको दाबी – हरेक महिना ठूलो भ्रष्टाचारीलाई पक्रन्छु भनेको छु, सप्राइज कुरेर बस्नु होला

इलाम । राष्ट्रिय स्वतन्त्र पार्टी (रास्वपा)का सभापति एवं गृहमन्त्री रवि

तिलोत्तमाको जंगलमा डढेलो निभाउन गएको दमकल आफै जलेर ध्वस्त

बुटवल । रुपन्देहीमा डढेलो निभाउन गएको एक दमकल आफै डढेलोको