काठमाडौं । डोल्पामा २ दिनअघि मृत्यु भएका व्यक्तिको स्वाब परीक्षणको रिपोर्टमा कोरोना पोजिटिभ देखिएको छ । यससँगै नेपालमा कोरोना भाइरसको संक्रमणबाट मृत्यु हुनेको संख्या १२ पुगेको छ ।
कर्णाली स्वास्थ्य विज्ञान प्रतिष्ठानमा गरिएको परीक्षणमा डोल्पा जगदुल्ला गाउँपालिका– ३, थापागाउँका ५८ वर्षीय पुरुषको पीसीआर रिपोर्ट पोजेटिभ आएको हो । ति व्यक्तिको गत जेठ २१ गते मृत्यु भएको थियो ।
मृत्यु शंकास्पद भएपछि मृतकसहित उनको हेरचाहमा रहेका उनी पत्नी र भाइको पनि स्वाब परीक्षण गरिएको थियो ।
परीक्षणमा मृतकको कोरोना पोजेटिभ र अन्य दुईको नेगेटिभ देखिएको प्रतिष्ठानले जानकारी गराएको जिल्ला प्रहरी कार्यालय डोल्पाले जनाएको छ ।
यसअघि कोरोना संक्रमणबाट ११ जनाको मृत्यु भैसकेको छ ।
प्रतिक्रिया