बर्दियामा हालसम्म कै धेरैलाई कोरोना संक्रमण पुष्टि

बर्दिया । बर्दिया एकै दिन हाल सम्म कै बढि कोरोना संक्रमित फेला परेका छन् । बर्दिया जिल्लाबाट भेरी अस्पतालमा परिक्षणका लागि पठाईएका स्वावहरु मध्ये एकैदिन २८ जनालाई कोरोना संक्रमण देखिएको हो ।

बर्दियाको गुलरिया नगरपालिकामा आज सबैभन्दा बढि ११ जना कोरोना संक्रमित थपिएका छन् । जसमध्ये गुलरिया नगरपालिका वडा नं ३ का नै ९ जना रहेका छन् । त्यसैगरी राजापुर नगरपालिका र बाँसगढी नगरपालिकामा ५÷ ५ जना मधुवन, नगरपालिकामा

४ जना, बढैयाताल नगरपालिकामा ३ जनालाई संक्रमण पुष्टि भएको भेरी अस्पताल बाँकेले जनाएको छ ।
जिल्ला स्वास्थ्य कार्यालय बर्दियाका अनुसार बर्दियामा हाल सम्म ४१ जनामा कोरोना संक्रमण देखिएको छ । ४० जनाको स्वाव परिक्षणका लागि बर्दियाबाट पठाईएको थियो भने एक जनाको काठमाडौँमा नै स्वाव परिक्षण गरिएको थियो ।