१४ चैत्र २०७९, मंगलबार | March 28, 2023

भक्तपुर अस्पतालमा सुत्केरीको मृत्यु भएपछि अस्पतालका सबै सेवा बन्द



भक्तपुर । सुत्केरीको मृत्यु भएपछि भक्तपुर अस्पतालको सबै सेवा बन्द गरिएको छ । सुत्केरी व्यथाले च्यापेर आइतबार साँझ अस्पताल आएकी चाँगुनारायण नगरपालिका–३ झौखेल बस्ने महिलाको बच्चा जन्माएको करिव आधा घण्टामा मृत्यु भएपछि आज अस्पतालका सबै सेवा बन्द गरिएको हो ।

सिन्धुपाल्चोक स्थायी घर भएका ती महिला अस्पताल आउँदा रुघाखोकीको लक्षण देखिएको र श्वासप्रश्वास पनि समस्या देखिएको अस्पताल स्रोतले जनाएको छ । मास्कसमेत नलगाई अस्पताल आएका ती महिलालाई स्वास्थ्यकर्मीले मास्क लगाउन अनुरोध गर्दा श्वास फेर्न गाह्रो भएकोले नलगाएको बताएको एक स्वास्थ्यकर्मीले जानकारी दिए ।

मृतक महिलाको कोरोनाको पिसिआर परीक्षणको लागि स्वाब संकलन गरेर राष्ट्रिय जनस्वास्थ्य प्रयोगशाला टेकुमा पठाएको र रिपोर्ट आउन बाँकी रहेको अस्पताल स्रोतले जानकारी दिएको छ । महिलाको शव अस्पतालको प्रसुती वार्डमा नै राखिएको छ ।

मृतक महिलाले केएमसी अस्पताल सिनामंगलमा नियमित स्वास्थ्य जाँच गर्दै आएको बुझिएको छ । अस्पताल विकास समितिका अध्यक्ष मिलन सुवालले मृतक महिलाले नियमितरुपमा केएमसीमा जाँच गर्दै आएको र उक्त अस्पताल हाल बन्द भएका कारण ती महिला सुत्केरी हुन भक्तपुर अस्पताल आएको बताउनुभयो ।

अस्पतालमा मेडिकल सुपरिटेण्डेन डा। सुमित्रा गौतमले मृतक महिलाको स्वास्थ्य परीक्षणको रिपार्ट आउन बाँकी रहेको र रिपोर्ट आइसकेपछि मात्र विस्तृत जानकारी दिने बताउनुभयो । अस्पताल स्रोतका अनुसार मे। सु। गौतम आफैं अहिले सेल्फ क्वारेन्टिनमा बस्नुभएको छ ।

प्रकाशित मिति : २६ जेष्ठ २०७७, सोमबार  ४ : १४ बजे

‘तिलौराकोट-कपिलबस्तु सम्पदा उत्सव’

लुुम्बिनी । प्राचिन शाक्य गणराज्यको राजधानी कपिलबस्तुका पुरातात्विक सम्पदाहरुको संरक्षण

एमालेको ‘मिसन ग्रासरुट अभियान’ को सातै प्रदेशमा समीक्षा

काठमाडौं । नेकपा (एमाले) ले पार्टी सृदृढीकरण तथा विस्तार अभियानका

एमाले विकास र लोकतन्त्रको पक्षमा छ : अध्यक्ष ओली

गुल्मी । नेकपा (एमाले)का अध्यक्ष एवं पूर्वप्रधानमन्त्री केपी शर्मा ओलीले

कांग्रेस कार्यसम्पादन समिति बैठक बिहीबारका लागि सर्‍यो

काठमाडौं । मंगलबारका लागि बोलाइएको नेपाली कांग्रेसको केन्द्रीय कार्यसम्पादन समिति

आर्ट अफ लिभिङको आयोजनामा ‘रामलला की माता’ कथा

भैरहवा । मानवलाई ‘जिवन जिउने कला’ सिकाउदै अघि बढेको संस्था