कपिलवस्तु । कपिलवस्तुको मायादेवी गाउँपालिका– ५ स्थित बलुहवा गाँउमा गरिएको ब्ल्याक आउट हटाइएको छ ।
गत शुक्रवार चुहावट नियनत्रणका लागि गएका नेपाल विद्युत प्राधिकरण तौलिहवा वितरण केन्द्र विद्यतुका कर्मचारीमाथि गाउँलेले दुव्र्यवहार गरी अवरोध गरेपछि प्राधिकरले गाँउलाई नै ब्ल्याक आउट गरेको थियो ।
स्थानीय राजाराम यादवको घरमा चुहावट फेला पारीअनुगमन टोलीले घरको मोटर सहितका सामाग्री नियन्त्रणमा लिर्इ गाडीमा राख्ने क्रममा घर परिवार तथा छिमेकीले दुव्र्यवहार र गाली गलौज गरेको विद्यतु प्राधिकरण तौलिहावा शाखाका प्रमुख जय कुमार यादवले बताएका थिए ।
ब्ल्याक आउट हटाउन प्रदेशसभाका सदस्य सहसराम यादवको पहलमा कर्मचारी र स्थानीय गाउँलेबीच छलफल भएको थियो ।
छलफलका क्रममा दोषीलाई कारवाई गर्ने तथा माफी माग्न लगाउने लिखित सहमति भएपछि गाउँमा ब्ल्याक आउट हटाइ विद्युत ट्रान्सफर चालु गरिएको यादवले जानकारी दिएका छन ।
प्रतिक्रिया