गण्डकीमा कोरोना संक्रमित २०५ पुगे, बिहानै थपिए ६ जना

पोखरा । गण्डकी प्रदेशमा कोरोना संक्रमितको संख्या २०५ पुगेको छ । सोमबार बिहान ६ जनामा कोरोना संक्रमण पुष्टि भएसँगै प्रदेशमा संक्रमितको संख्या २०५ पुगेको हो ।

गण्डकी स्वास्थ्य निर्देशनालयले बिहानै ५ जनामा संक्रमण भएको जनाएको थियो भने त्यसको केही समय पछि थप १ जनामा संक्रमण देखिएको जनाएको थियो ।

तनहुँ घिरिंङ गाउँपालिका स्थायी ठेगाना भई सोहि गाउँपालिकाको क्वारेन्टाइनमा रहेका ४५, २२, २७, २७, र ४६ का ५ जना पुरुषहरुमा कोरोना संक्रमणको पुष्टि भएको निर्देशनालयले जनाएको छ ।

संक्रमित सबैलाई तनहुँको शुक्लागण्डकी नगरपालिकामा रहेको जी।पी। कोइराला श्वासप्रश्वास केन्द्रको आईसोलेसन कक्षमा लगिएको छ ।

यस्तै, पछिल्लो विवरण अनुसार नवलपरासी (बर्दघाट सुस्ता पूर्व), बौदीकाली गाउँपालिकाका स्थायी ठेगाना भई सोहि पालिकाको क्वारेन्टाइनमा रहेका २० वर्षका का १ जना पुरुषमा कोरोना संक्रमणको पुष्टि भएको छ ।

उनलाई नवलपरासी रजहर स्थित सामुदायिक प्राकृतिक चिकित्सालयको आईसोलेसन कक्षमा लैजाने तयारी भैरहेको छ ।