१८ माघ २०७९, बुधबार | February 1, 2023

संविधान संशोधन विधेयकमा मतदान नगर्ने तीन सांसदलाई नेकपाले सोध्यो स्पष्टिकरण



काठमाडौं । नेपाल कम्युनिष्ट पार्टी (नेकपा)ले संविधान संशोधन विधेयकमा मतदान नगर्ने सांसदहरूलाई स्पष्टिकरण सोधेको छ ।

नेकपा संसदीय दलले मतदानमा भाग नलिने तीन जना सांसदहरूलाई स्पष्टिकरण सोधेको हो ।

सांसदहरू हरिबोल गुजुरेल, धनबहादुर बुढा, शिवकुमार मण्डल र गोपाल बम मतदानको दिन अनुपस्थित रहेका थिए । यी मध्ये धनबहादुर बुढा, शिवकुमार मण्डल र गोपाल बमलाई नेकपा संसदीय दलका मृख्य सचेतक देव गुरुङले स्पष्टिकरणका लागि पत्र पठाएका छन् ।

तर, हरिबोल गजुरेल ट्वाइलेटमा लडेर घाइते भएको जानकारी संसदीय दललाई दिएपछि उनीमाथि भने स्पष्टिकरण सोधिएको छैन ।

यी सांसदहरुलाई प्रतिनिधिसभाको बैठकमा विना पूर्व सूचना अनुपस्थित भई संविधान संशोधनको मतदान प्रक्रियामा सहभागी नभएको भन्दै दलको विधानको, दफा ३० को उपदफा १ र २ अनुसार अनुपस्थित हुनुको कारण खुलाई पाँच दिनभित्र कार्यालयमै उपस्थित भै स्पष्टिकरण बुझाउन निर्देशन दिइएको नेकपा संसदीय दल स्रोतले जनाएको छ ।

नेकपा संसदीय दलका मुख्य सचेतक देव गुरूङले संविधान संशोधन विधेयकमा अनिवार्य मतदान गर्न ह्वीप जारी गरेका थिए ।

संविधान संशोधनको मतदानमा नेकपाका चार, काँग्रेसका चार, र जनता समाजवादी पार्टीका पाँच (जसमध्ये राजपाका तीन र समाजवादी पार्टीका दुई सांसद)ले मतदानमा भाग लिएका थिएनन् ।

समाजवादी पार्टीको तर्फबाट सांसद बनेकी सरिता गिरीले संविधान संशोधन विधेयकलाई नै चुनौती दिँदै पार्टी संसदीय दलको ह्वीप विपरित मतदान बहिस्कार गरेकी थिइन । सो पार्टीले पनि सांसद गिरीलाई कारवाही गर्ने तयारी गरेको छ ।

प्रकाशित मिति : १ असार २०७७, सोमबार  ८ : ४३ बजे

‘एन आई सी एशिया मर्चेन्ट मिट २०२३’ सम्पन्न, मर्चेन्टहरुको उल्लेख्य सहभागिता

काठमाडौ । एन आई सी एशिया बैंक लिमिटेडले ‘सेलेब्रेटिङ डिजिटल

कांग्रेसले बोलायो संसदीय दलको बैठक

काठमाडौं । नेपाली कांग्रेसले संसदीय दल कार्यसमितिको बैठक बोलाएको छ

बागमती प्रदेशसभाको बैठक माघ २२ गते अपराह्न बस्ने

हेटौंडा । बागमती प्रदेशसभाको दोस्रो कार्यकालको तेस्रो बैठक यही माघ

रवि लामिछानेको सांसद पद रिक्त भएको जानकारी गराए सभामुख घिमिरेले

काठमाडौं । सभामुख देवराज घिमिरेले रवि लामिछानेको सांसद पद खारेज

पोखरामा कहिले सुरु हुन्छ तार भूमिगतको काम ?

पोखरा । पोखरामा विद्युतीय तार भूमिगत गर्न भारतीय टाटा प्रोजेक्टस