भारतीय सेनाले चीनसँग लद्दाख क्षेत्रस्थित वास्तविक नियन्त्रण रेखा आसपासको गलवान घाँटीमा भएको भिडन्तमा मारिने सैनिकको नाम सार्वजनिक गरेको छ ।
सोमबार साँझ चिनियाँ जनमुक्ति सेनासँग भएको मुठभेडमा भारतीय सेनाका एक कर्णेल सहित २० जना मारिएका थिए ।
यसैबीच भारतीय प्रधानमन्त्री नरेन्द्र मोदीले सर्वदलीय बैठक आह्वान गरेका छन् । मोदीले सीमा क्षेत्रको अवस्थाबारे छलफल गर्न आगामी शुक्रबार साँझ ५ बजे बैठक आह्वान गरेका हुन् । सो बैठक भिडियो कन्फ्रेन्सको माध्यमबाट हुने बताइएको छ ।
सीमा क्षेत्रमा तैनाथ आफ्ना सेना मारिएपछि प्रमुख विपक्षी काँग्रेसले मोदी सरकारको नीतिको आलोचना गर्दै जवाफ मागेको थियो ।
प्रतिक्रिया