काठमाडौं । प्रमुख प्रतिपक्षी नेपाली कांग्रेसका सांसद भीमसेनदास प्रधानले कोरोना भाइरसको सन्त्रास रहुन्जेल हप्तामा ५ दिन मात्र कार्यालय संचालन गर्न माग गरेका छन् ।
सांसद प्रधानले मंगलबार प्रतिनिधिसभाको बैठकको शुन्य समयमा बोल्दै कोरोना सन्त्रास रहुन्जेल आइतबार समेत बिदा दिएर हप्तामा ५ दिन कार्यालय संचालन गर्न माग गरेका हुन् । उनले भने, ‘कोरोनाको प्रभाव रहेसम्म शनिबार र आइतबार विदा दिने व्यवस्था गरौं ।’
प्रधानले सडकमा जोरविरोध प्रणाली लागु गरेपनि जाम भैरहेको जिकिर गर्दै सामाजिक दूरी कायम गर्न कार्यालय संचालनको दिन घटाउनुपर्ने माग गरे ।
काठमाडौंमा मात्रै १५ लाख सवारी साधन रहेको भन्दै उनले यस अवधिमा विद्युतीय सवारी साधन चलाउन दिनुपर्ने बताए ।
प्रतिक्रिया