कोहलपुर । पूर्व पश्चिम राजमार्ग अन्तर्गत बाँकेको राप्ती सोनारीको अगौया नजिकै कार दुर्घटना हुँदा दुई जनाको मृत्यु भएको छ । मंगलवार दिउँसो १ बजे बा १४ च २७८९ नम्बरको कार अनियन्त्रित भई रुखमा ठोक्किँदा चालक कमलराज लम्साल र कारमा सवार क्षितिजकुमार कुँवरको मृत्यु भएको हो ।
दुर्घटनामा गम्भिर घाईते भएका कार चालक भरतपुर महानगरपालिका १२ चितवनका लम्साल र उनीसंगै सवार पूर्वी नवलपरासी कावासोतीका कुँवरको नेपालगञ्ज मेडिकल कलेज कोहलपुरमा उपचारका क्रममा मृत्यु भएको बाँके प्रहरीले जनाएको छ । कार अनियन्त्रित भएर बाटोको छेउमा रहेको सालको रुखमा ठोक्कीएको प्रहरीले जानकारी दिएको छ । तीब्र गतिमा रहेको कारले नियन्त्रण गुमाउँदा दुर्घटना भएको हुनसक्ने प्रहरीले अनुमान गरेको छ ।
प्रतिक्रिया