काठमाडौं । सत्तारुढ नेपाल कम्युनिष्ट पार्टी नेकपा अध्यक्षद्वय प्रधानमन्त्री केपी शर्मा ओली र पुष्पकमल दाहाल प्रचण्डबीच एजेण्डामा विषयमा सहमति भएसँगै स्थायी कमिटी बैठक सुरु भएको छ ।
दुई अध्यक्षबीच सहमति भएसँगै प्रधानमन्त्री निवास बालुवाटारमा स्थायी कमिटी बैठक सुरु भएको हो ।
अमेरिकी अनुदान सहयोग मिलेनियम च्यालेन्ज कर्प एमसीसीबारे तिब्र स्थायी कमिटी बैठकमा छलफल हुनेभएको छ ।
बैठकको सुरुमा दुवै अध्यक्षले समसामयिक विषयमा मन्तव्य राख्नेछन् । त्यसपछि सरकारको काम कारवाही बारे समीक्षा हुनेभएको छ । सरकारले कोरोना भाइरस नियन्त्रणका लागि गरेको प्रयास र उपचारका सम्बन्धमा छलफल हुनेछ भने सीमा समस्याका विषयमा पनि छलफल हुने एजेण्डा तय भएको छ ।
त्यसपछि पार्टी एकताको बाँकी रहेको कामको विषयमा छलफल हुनेछ ।
स्थायी कमिटीको चौंथो एजेण्डाको रुपमा एमसीसीलाई राखिएको छ । स्थायी कमिटी सदस्यहरुको मुख्य ध्यान यसपटक अन्य एजेण्डामा भन्दा एमसीसीमै केन्द्रित हुने बुझिएको छ ।
नेकपाभित्र एमसीसी जस्ताको तस्तै पास गर्नुपर्छ भन्ने प्रधानमन्त्री ओली पक्षधरको मान्यता रहेको छ भने एमसीसी पासै गर्नुहुन्न या संशोधनसहित पास गर्नुपर्छ भन्ने धारको नेतृत्व अध्यक्ष प्रचण्ड, माधकुमार नेपाल झलनाथ खनालहरुले गरिरहेका छन् ।
दुवै गुटका स्थायी कमिटी सदस्यहरुले एकले अर्कोको कमजोरी माथि प्रहार गर्दै आफ्नो विषयलाई राख्ने तयारी गरेका छन् ।
बैठकको अन्तिम एजेण्डामा विविध विषयलाई समेटिएको छ ।
प्रतिक्रिया