पोखरा । पोखरामा कोरोनाबाट मृत्यु भएका ब्याक्तिको शव व्यवस्थापन गर्ने क्रम प्रहरी बिटमा ढुङगामुढा गरेपछि झडप भएको छ ।
स्याङजा आधीखोला गाउपालिकाका एक ब्याक्तिको पोखरा स्वास्थ्य विज्ञान प्रतिष्ठानमा हिजो राती मृत्यु भएपछि उनको शव व्यवस्थापनका लागी पोखरा महानगरको ३२ नम्बर वडामा पर्ने मजुवामा ठाउ तय गरिएको र त्यस ठाउमा कोरोनाबाट मृत्यु भएकाको शव ब्यवस्थापन गर्न नहुने भन्दै स्थानियको अवरोधसँगै प्रहरी बीटमा ढुंगामुढा प्रहार गरेपछि प्रहरी र स्थानिय बीच झडप भएको हो ।
भीड नियन्त्रणका लागी ससस्त्र प्रहरीले आठ राउण्ड हवाइ फायर गरेको थियोभने स्थानियलाई तितरवित पारेपछि उक्त स्थानमा नेपाली सेनाले शव व्यवस्थापन गरिएको कास्कीका प्रहरी नायव उपरीक्षक सुवास हमालले जानकारी दिए ।
हमालका अनुसार पोखरा महानगरले शव व्यवस्थापनको लागी पोखरा ३२ को मजुवामा ठाउ तय गरेपछि स्थानियहरुले सकडमा टायर बालेर अवरोध गरेपछि उक्त भीडलाई हटाउने क्रममा झडप भएको थियो । झडपका क्रममा ३ वटा मोटरसाइकलमा समेत क्षती पुगेको छ ।
यसअघि पनि कोरोनाका कारण स्याङजाका एक व्यक्तिको पोखरा स्वास्थ्य विज्ञान प्रतिष्ठानको आइसोलेसन वार्डमा मृत्यु भएपछि शव व्यवस्थापन गर्ने क्रममा पोखराको ११ र २० नम्बर वडाका स्थानियहरुले अवरोध गर्दा झडप भएको थियो ।
प्रतिक्रिया