काठमाडौं। राष्ट्रपति विद्यादेवी भण्डारीले दुवै सदनबाट पारित भएको ५ वटा विधेयक प्रमाणीकरण गरेकी छिन्।
उनले संघीय संसदको दुवै सदनबाट पारित भएको ५ विधेयक सोमवार संविधानको धारा ११३ को उपधारा २ बमोजिम प्रमाणीकण गरेकी हुन्।
राष्ट्रपति भण्डारीले नेपाल सरकारको अर्थ सम्बन्धी प्रस्तावलाई कार्यान्वयन गर्न बनेको विधेयक, राष्ट्र ऋण उठाउने अधिकारको व्यवस्था गर्न बनेको विधेयक, आर्थिक वर्ष २०७७।७८ को सेवा र कार्यको लागि संघीय सञ्चित कोषबाट केही रकम खर्च गर्ने र विनियोजन गर्ने सम्बन्धमा व्यवस्था गर्न बनेको विधेयक, प्रमाणीकरण गरेकी हुन्।
त्यसैगरि, ऋण तथा जमानत ऐन, २०२५ लाई संशोधन गर्न बनेको विधेयक, केही अध्यादेश खारेज गरी नेपाल ऐनको साविकको व्यवस्था जगाउने अध्यादेश, २०७७ लाई प्रतिस्थापन गर्न बनेको विधेयक पनि राष्ट्रपति भण्डारीबाट प्रमाणीकरण भएको छ।
प्रतिक्रिया