काठमाडौं । रोजगारीको सिलसिलामा कतार पुगेका अर्घाखाँचीका एक युवाको छतबाट खसेर मृत्यु भएको छ ।
अर्घाखांची भूमिकास्थान नगरपालिका वडा नम्बर २ का ३४ बर्षिय हरि बहादुर सुनारको आफु बसेको घरको छातबाट लडेर मृत्यु भएको हो । आफु बस्ने कोठाभित्र ईन्टरनेटले काम नगरेको भन्दै नेटवर्क खोज्न छतको छेउ पुग्दा खसेको अनुमान गरिएको छ ।
मृतक सुनार छतबाट खस्ने दिनमा पनि बिगतका दिनहरुमा जस्तै छतमा गएको उनीसंगै बस्ने साथिहरुले बताएको कतारबाट कतारबाट पत्रकार राज थापाले जनाएकाछन् । सुनारको दुखद निधन प्रति अर्घाखाँची सेवा समाज कतार परिवारले दुःख ब्यक्त गरेको छ । प्रवासमा जिल्ला वासी दाजुभाई गुमाउदाको पीडाले सिङ्गो अर्घाखाँची सेवा समाज शोकमा डुबेको समाजका अध्यक्ष टेकराज थापाले बताए ।
अध्यक्ष थापाका अनुसार मृतक सुनार १८ महिना पहिले रोजगारिको सिलसिलामा कतार पुगेका थिए ।
मृतक सुनारको शव अहिले हमद जनरल अस्पतालको शव गृहमा राखिएको छ । उनि कार्यरत कम्पनीले कानुनी प्रक्रिया अगाडी बढाएको र समाजले शवलाई नेपाल पठाउन पहल गर्ने बताएको छ ।
कोभिड-१९ ले गर्दा यतिबेला पहिले जस्तो सहज नभएको र कागजी प्रक्रिया पूरागरी शवलाई नेपाल पठाउन कम्पनीबाट पनि आवश्यक कार्य भैरहेको सोहि कम्पनीमा कार्यरत नेत्र प्रसाद आचार्यले बताएका छन् । सुनारको घरमा श्रीमति र एउटा ८ बर्षको र अर्को ३ वर्षका दुई छोरा छन ।
प्रतिक्रिया