काठमाडौं । संसदमा बिधेयक माथिको दफावार छलफल कै शैलीमा संचालन भईरहेको नेपाल कम्युनिष्ट पार्टी नेकपाको स्थायी समितिको चौथो बैठक आज मध्यान्हबाट सुरु भएको छ । बैठक सुरुहुनु पूर्व पार्टीका पहिलो अध्यक्ष एवं प्रधानमन्त्री केपी ओली राष्ट्रपतिलाई भेट्न सितल निवास पुगेका थिए । उनी सितल निवासबाट फर्के लगत्तै बैठक सुरु भएको छ ।
बैठकको सूरुवातमा नै स्थायी कमिटी सदस्यहरुले बैठकमा राखिएको कुर्सीका बिषयमा प्रश्न उठाएपछि कुर्सी मिलाउने काम भएको स्थायी समिति एक जना सदस्यले बताए । सचिवालयका सदस्यहरुलाई अग्लो स्थानमा र अन्यलाई तल कुर्सी राखिएपछि सदस्यहरुले बिरोध जनाएका थिए । स्थायी समितीको तेस्रो बैठकमा पार्टी अध्यक्ष द्वयलाई राखिएको सोफा हटाईएको थियो ।
आज अपरान्ह सुरुभएको बैठकमा सबैको कुर्सी समान प्रकारको राखिएको छ भने अध्यक्ष द्वय र उपाध्यक्ष बामदेव गौतमलाई लहरै राखिएको बताईएको छ ।
तेस्रो बैठकमा सरकारले जारी गरेको नेपालको संशोधित नक्सा, सिमा समस्याका बिषयमा स्थायी समितिका सदस्यहरुले बोल्ने क्रम बांकी रहेकाले आज बोल्न बांकी सदस्यहरुले बोलेपछि अर्को एजेण्डामा बैठक प्रवेश गर्ने छ । बैठकले यस अघि नै ७ वटा एजेण्डा तय गरिसकेको छ ।
प्रतिक्रिया